香港新浪網 MySinaBlog 精選話題工具
« 上一篇 | 下一篇 »
ray | 1st Jun 2008, 00:01 AM | 股票諸事 | (277 Reads)
收市競價系列 之 玩死圖表派

 

rayray都算係一個圖表派支持者,所以對收市競價事件(合法造價),真係好大反應﹐皆因而家d圖全部走晒樣,對於某程度上依靠圖表走勢,尼決定買賣策略既rayray,以後睇圖真係好無意思!好似隻2號隻,當日全日都係前收市價下徘徊,如果以前尼計,正常會開支"小陰蠋",就算尾市搶返高些少,去返前收市價,就會開支"十字星",即使尾市搶得高過前收市價,大不了變成支"小陽蠋",而家變左支巨量"大陽蠋",咁以後d圖點睇?唔通日日記住支陰陽蠋係咪尾市"造"出尼?

如果只係一次性既破壞,都無咁慘,最慘昂交所死唔認錯,繼續將錯就錯,即係話咁既情況會經常發生,唔駛講都知以後圖表分析可以收檔!唔單止對rayray有影響,對大多財經演員,都構成不可磨滅的痛,以後無得講圖表,全部轉晒基本分析派,一係就轉工,都咪話唔慘!

不過話返轉頭,昂交所咁做,都係為左老散著想,成日學人炒出炒入,搵埋搵埋都係益晒昂交所同證券行,昂交所有見及此,用心良苦出招"市後競價",睇你班老散仲敢唔敢短炒?變相逼晒我地改技術派為基本派,改短炒變為長線投資,短炒咁高風險既野,以後只供莊家、大戶、基金、病態賭徒玩晒。如果老散仲唔識驚,輸多幾次,班老散唔跳樓都會輸到乾塘啦。咁以後就唔駛叫老散注意風險!(一係輸到乾塘,一係轉晒長線投資,邊度仲駛為老散操心丫?)

留言(0) | 引用(0) | 話題(股市)