香港新浪網 MySinaBlog
« 上一篇 | 下一篇 »
ray | 5th Nov 2008, 17:33 PM | 股票諸事 | (262 Reads)
"嘉誠格言"其中之一:「有錢大家賺,利潤大家分享,這樣才有人願意和你合作。假如拿10%的股份是公正的,拿11%也可以,但是如困只拿9%的股份,就會財源滾滾來。

楷仔:「老豆,你果套野out架啦!」

楷仔:「好似你咁,到而家咪又係得個"做"字,我就唔同呢!就算你份身家唔預我,我晨早都已經唔駛做啦......」

以上只是計設對白,如有雷同,實屬不幸!
++++++++++++++++++++++++++++

另一個故事在這邊發生,話說楷仔又想搞私有化,諗住有"好野明益"班小股東,明明值斬件拆骨計落尼,起碼值超過$5元,而加只出$4.2尼私有化,即時Leon"見風駛李",出報告大讚私有化價錢吸引,加埋楷仔自白:「這個作價已是一個非常可觀的溢價(very substantial premium ),在現時這個可怕的股市中,我希望可以為小股東做點事」。

唔知佢為人的話,一定feel到好warm啦,而家係世界未日,自己出價又咁大方,直頭係打救世啦!

不過楷仔點解唔講講佢8年尼接手後做過咩野,而家股價直插到"地板價"就出尼私有化,仲點夠佢撈丫。

最火就係佢果句:「為小股東做點事!」虧佢講仲講得出,認真厚顏無恥!

查實佢辛辛苦苦蛇吞象,上市之後有咩大計?梗係私有化啦?唔通學楷仔老頭死做爛做咩?做生意講良心,out啦,最緊要搵快錢,玩財技肉魚小股東,過到海就神仙,邊個吹得楷仔脹?

再睇睇引述自蘋果既另一單趣聞 - 與過往一樣,李澤楷今次亦大玩財技。首先,盈拓及網通將分別按74.27%及25.73%的比例支付收購代價,未計購股權前,合計涉資149.09億元;若包括購股權在內,雙方各出資115.05億元及39.86億元,收購金額將增至154.91億元。若私有化獲通過,電盈將會向盈拓及網通按其出資比例派發股息,最少為170億元。換言之,盈拓及網通今次可不用出一分一毫,便可私有化電盈。

李澤楷財技一覽表

  • 00年:在北京支持下,以「蛇吞象」方式 ,向銀行借入120億美元銀團貸款收購香港電訊
  • 04年初:將手上地產項目注入東方燃氣,變相上市,並改名為盈大地產
  • 05年9月:提出以每股0.65元私有化SUNDAY,建議被小股東否決
  • 06年7月:擬向梁伯韜出售電盈股權,但被揭發乃其父李嘉誠向梁氏提供融資,被盈拓小股東否決
  • 06年9月:以19.4億元現金加票據收購SUNDAY主要資產,成功「曲線」私有化SUNDAY
  • 08年2月:提出以協議安排方式,每股2.85元私有化盈大地產,議案被小股東投反對票否決
  • 08年5月:將核心業務重組至HKT,擬出售其最多45%股權,受金融海嘯影響而取消
  • 08 年 11 月 : 聯 同 網 通 以 每 股 4.2 元 , 提 出 私 有 化 電 盈
留言(0) | 引用(0) | 話題(股市)