香港新浪網 MySinaBlog
« 上一篇 | 下一篇 »
ray | 5th May 2009, 19:01 PM | 股票諸事 | (537 Reads)
最近留意到【中天亞洲台】好值得睇睇,尋日有睇既話,今日可能就識買台泥(1136)

近期台股雖然熱炒,不過好多人對台股唔係咁熟悉,根本就買唔落手,不過尋晚如果有睇【中天亞洲台】既話,可能今日就識買台泥(1136),因為其中一個節目(節目名:文茜小妹大),請左幾位嘉賓上尼,話題圍繞中資去台買台股,其中一段講到大陸資金如果買台資股,必定會買其中四隻 - 台積電, xxx, xxx, 台泥。一聽到台泥,rayray更加有興趣聽聽,聽完後就睇睇台泥既圖表及一d簡單資料。諗住今朝留意下。

到今朝睇睇佢開市表現,見盤路好似"私人派對",而佢既p.e.係 n/a。諗諗都係唔好搏,開市就轉去買隻自己既心水 - 瑞房(272),原因係尋日炒過一轉,見佢收市企得好硬,今日有可能仍有餘威,果然好彩又執多轉...... 唔好意思,有d離題。

雖然結果都無買到台泥,但rayray覺得,中天亞洲台有好多即時既台灣新聞及台股評論,有時間睇睇,對炒股應該有幫助,起碼好過睇無線d無聊鬧劇,另外,有時間可以睇埋康熙來了,都幾好笑架(輕鬆下啦,香港人)!

留言(0) | 引用(0) | 話題(股市)