香港新浪網 MySinaBlog
« 上一篇 | 下一篇 »
ray | 19th May 2009, 17:31 PM | 即市炒賣實記 | (1340 Reads)
註:rayray並非香港資源的寫手,亦非作出推介!

上次1.19買中左隻香港資源,但一直無交代戰況如何,其實當日復牌,rayray曾沽部份貨@1.6,沽左個頂,因為諗住分段沽,沽完又心思思想買番,結果衰多手buy@1.56,跌落尼號之後,忍痛沽@1.3(番查資料,沽@11-05-09)。沽貨原因係覺得可能會有排震,加上吼中隻"好"野,沽完就買左隻三林(3938)@0.59!

結果係勁輸5格沽@0.54(當日即斬),隻2882已經無咩錢賺,再係3938到high過10%,點解唔坐定定hold住2882?今日2882仲收報1.39添!有早知就無乞兒啦!

如果真係要解釋,只可以咁講,當時認為2882可能會震盪,無咁快會飛升,不如將資金另尋明主,搏取更佳回報啦!好可惜,買大開細......

到左12-05-09,先係玖紙(2689)度執些少,再發現隻勝獅(716)再郁,buy@0.71,之後被佢震出尼@0.73,後尾見佢再升,又buy@0.75,一直就渣到今日先沽,原因係feel到ok,不過今日Apple一貼,好似無晒火氣咁,都係沽左佢算數,結果沽@0.85,下午前見到香港資源好似想郁,即刻buy@1.41,買落去即向上沖,沖到1.45回頭,番落尼就沽@1.42,升唔起就好應該比番佢!(上午提早收工)

下午番尼,睇睇有咩異動,即時留意到中信資源(1205)幾搶鏡,於是下午開市望到佢實一實,一開有點蠢動,即時buy@1.83,買完已經標到1.87,之後係咁震盪,震得唔深,最低都係回到1.83,睇睇幅圖,破晒位,個心形住佢會高收,因為唔高收,個圖即刻走晒樣,大成交做晒野,沽壓又唔大,所以點都形住佢會破1.90,rayray都唔貪心,差唔多收市真係沖上去,結果沽@1.91,其實都可以唔沽,不過中信資源插起上尼可以好驚人,記得印像中佢有一次,單日由6.xx直接落1.xx咁上下既走勢(價錢好可能記錯,因為係N年前既事),總之佢凶起上尼唔係人咁品,都係落袋為安,聽日又再從新尼過!