香港新浪網 MySinaBlog
« 上一篇 | 下一篇 »
ray | 18th Jun 2009, 23:35 PM | 財經剪輯 | (191 Reads)
中國管業(380)繼續有得炒
18-06-2009 新報 信曉飛

雖然唔知中國管業(380)炒緊啲乜嘢,但係走勢上已經同大家講咗,股價升勢仍然未完,短期會繼續成為投資炒作嘅好對象。中國管業喺2000年以1蚊上市,喺2007年度每股分拆成50股,同年10月再以每股12仙,配售7億元,即係話街貨平均成本係3.9仙,所以喺呢個位點都冇理由會散貨,況且有三十幾億股街貨,要散貨都唔係咁易,估計後市將會反覆炒上一毫子或以上,先至可以轉身。

股權出現多番變化

過去幾年,中國管業嘅股權出現多次大變動,首先就係2007年5月,榮文怡以每股3.7仙元作價,向中國管業原有多名股東購入舊股,佔當時已發行股本約 74.43%,涉及資金約3.33億元。完成後,榮文怡以相同之現金價格,向集團餘下股東提出全面收購,涉及款項總額約達1.144億元。

係2007年9月,集團以1.85億元作價,購入上海長寧區一住宅發展項目強生古北花園中一個商場之15個零售單位,總建築面積約3,097平方米。

喺 2007年12月,榮文怡以總代價2.96億元,向國中控股(0202)出售所持37億股舊股,佔集團已發行股本約29.52%。完成後,榮文怡於集團之持股量降至42.3%。喺2008年10月,榮文怡再以1.06億元(相等每股2仙)向賴柏霖出售集團全部42.3%權益,而連同之前向國中控股收購佢所持之集團股份,賴柏霖持有集團權益將增至74.24%,而根據上市條例,賴柏霖再以每股2仙,向集團餘下股東提出全面收購建議,即係話賴柏霖所持股份嘅投資成本係2仙。

喺賴柏霖晉身成為集團主要股東後,中國管業係2009年4月便開始進行業務重組,並以1,210元萬出售3.56億股國中控股股份,及以1,612萬元出售3,224萬股洪橋集團(8137)股份,預期出售收益合共約573萬元。經過呢次資產重組後,表明顯賴柏霖中心已經一連串的大部署,希望可以將會司搞好,所以無論變身又好,搵緊靚投資項目又有,總之對中國管業嘅股價都係好嘅。

大股東已着手重組

根據聯交所資料顯示,喺2009年5月12日,大股東賴柏霖同埋行政總裁兼執董俞安生達成股份轉讓協議,賴氏以每股2仙作價,將自已持有嘅15億股公司股份,喺場外售予行政總裁兼執董俞安生。交易完成後,賴氏持有公司股權由74.25%減至62.28%,而俞氏持股量則由0.24%大增至12.21%。喺交易完成後,中國管業嘅股價就開始抽升,即係話呢兩個人已經有咗共識,大家都有貨,點做都得啦。