香港新浪網 MySinaBlog
« 上一篇 | 下一篇 »
Ray | 12th Jun 2007, 21:10 PM | 中國股神林園 | (982 Reads)

中國股神林園:「不懂的人可能會賺更多的錢,牛市就是這樣。」

 

自星期一(11-06-2007)起,rayray展開連串減倉行動,暫時出尼既結果,係賺少左!即係國內人所謂既"踏空",正常地有些少唔開心既感覺,但同時心理上既壓力,確係得到唔錯既舒緩,唯有自我安慰:食少多覺訓!

相對熱炒股仔中既股民,賺錢只需膽色過人,資金就"自然壯大",正如中國股神林園所講:「不懂的人不懂的人可能會賺更多的錢,牛市就是這樣。」

未經歷過突發性市況逆轉洗禮,賺錢"好過借"既感覺,絕對蓋過"水瓜打狗既恐懼",係大升市當中,內心無懼唔識驚,財源滾滾來係必然既事!

不過又要暴利,又要無懼,又要保本增值,其實非常之難,有人認為能夠成功估頂,就咩問題都解決晒,老實講,咁易估到頂,係高位沽貨離場,就真係無窮人。

所以,當大家係股仔身上大賺既同時,要明白炒股仔既風險,"大圍"爆起上尼,唔係話你肯止蝕,就一定可以止蝕離場,勁插既時候,可以全無買盤,可以跌超過九成,更可以停番幾年牌,甚至摺埋都仲得。

p.s.:本文並非指賺緊錢既股民 =  "不懂的人",只係提醒部份未點輸過錢既新股民,見好就注意收手既時間,唔好諗住賺到最後一分一毫。

留言(0) | 引用(0) | 話題(股市)