香港新浪網 MySinaBlog
« 上一篇 | 下一篇 »
Ray | 3rd Jun 2007, 17:00 PM | 股海心經 | (615 Reads)

平均分: 7.50 | 評分人數: 2
衰股也可獲厚利

南太(在美國上市)於2004年4月以每股3.88元分拆南太電子(2633)在香港上市,之後股價江河日下,絕對係稱得上衰股,不過衰股都有發威既時候......

上年六月中2633低位0.93,而事隔一年後2633已升至01-06-2007既1.94,升幅超過一倍,証明幾衰既股,都有機會從中獲得豐厚既利潤。咁今日提起2633,係咪推介比大家追入呢,非也,只係想借佢帶出炒買衰股,一d須要注意既地方:

1. 需要非常了解該股特性,前因後果 - 之前有咩搞作,之後走勢如何,大起大落,抑或係長期陰跌,大股東有咩最新既部署.....等等。

2. 需要有非常好既耐性 -  因為衰股可能長期下跌,可能大上之後大落,又可能長時間橫行,又或者長期成交疏落,悶到你暈,悶到你坐唔住,悶到你蝕放。

3. 只可投入少量資金 - 衰股通常用時間尼戰勝佢既敵人(你),時間可以長達一年或以上,如果投入過多資金,必會影響情緒,同時又影響資金周轉率,故只宜小注介入。

4. 忘記止蝕 - 話明衰股,通常波動夠大,如果止蝕價設定太嚴,十次買入,斬足十次,故以注碼控制,作為止蝕既主要方法。輸極有限,比經常止蝕為佳。

5. 人棄我取 - 當明知衰股,表現可能好飄忽,可能曾經跌得好急,又或者大股東明顯係老千,咁就要切記 - 暴升莫追,天量莫買,暴跌莫接。相反,無人問津既時候,正係吼位買入既良機,譬如,橫行多時買,地量多時買,跌勢減慢時買,止跌回升時買。只要注碼控制適宜,最壞打算只係歸零,就算老千股又如何?

6. 越跌越買,後患無窮 - 小注坐艇,傷害不大,但坐艇之後,遇到再跌不能加注,否則,一次意外,足以滅頂。

7. 切忌贏粒糖 - 風險回報要成正比,冒上歸零或者長時間套牢既風險,就係要搏贏大堆、搏大既利潤,所以,千奇唔好比小利引出尼,敢輸唔敢贏既話,就唔好掂衰股。

8. 只佔投資少比例 - 唔止買一隻衰股,唔係問題,但投資衰股既總額,最好只佔總投資比例既少部份,始終衰股買賣屬高風險行為,過量既話風險就會過大。

留言(8) | 引用(0) | 話題(股市)

[8] Re: 2633
dogdog :
此股的大股東"Nam Tai Electronics, Inc"近日不斷增持股份, 持股量已升至75.81%, 而且股價又升左甘多, 唔知會唔會搞d野, 例如提出私有化之類的動作呢?

價股堅挺,梗有d野,節錄某報章資料(19-05-07)比大家研究下:

2633於04年4月以3.88元上市,05年10月提出以每股1.8元私有化。

南太母公司扣除已上市的子公司的現金,截至今年3月底的手頭現金約1.03億美元,理論上足夠把2633私有化,2633截至3月底持有7755萬美元現金,再加上出售TCL集團A股的2559萬美元,如果先派發特別股息,然後才私有化,成本則較低。種種迹象顯示2633短期內似乎會有大動作。


[引用] | 作者 Ray | 4th Jun 2007 19:37 PM | [舉報垃圾留言]

[7] 2633

此股的大股東"Nam Tai Electronics, Inc"近日不斷增持股份, 持股量已升至75.81%, 而且股價又升左甘多, 唔知會唔會搞d野, 例如提出私有化之類的動作呢?


[引用] | 作者 dogdog | 4th Jun 2007 17:13 PM | [舉報垃圾留言]

[6] Re:
:
你好我係第一次黎睇你講得好好 其實我個人都有點對衰股有點分析 我係你到都學到更多野 =]我會keep 住做你長期客!

培:

謝謝你的支持!希望大家可以多作交流~


[引用] | 作者 Ray | 4th Jun 2007 09:44 AM | [舉報垃圾留言]

[5] Re:
:
To:Ray呢次係我第一次留言 ^^睇過你post 果d股都好快有動作我問下你對199 有咩意見~25000@0.63

澳門咁掂,199估計仲有得去,自己set個止蝕位(可以考慮$0.65),跌穿先離場,升就繼續持有,搏更大既利潤。

p.s.:如果見到成交量增加,但出現無咩升幅/下跌,就要及實,唔對路就離場。


[引用] | 作者 Ray | 4th Jun 2007 09:42 AM | [舉報垃圾留言]

[4] Re:
寒星 :
Ray,我就無你甘好,甘多利錢了.我今年先正式開始玩股票,炒股仔都係呢兩個月先少少地玩下.最近跟人買左隻1168 @ 2.05 點睇?仲想問下你呢幾日甘大成交,後市點睇呢?會唔會真係好多人逢高位沽同港元有直接關係的藍籌,換馬國企呢?國企指數好次跑嬴恆指多多聲.

寒星:
你誤會左啦,2633我有留意,但無買過,只係借題發揮......

1168,個人意見:放心持有。

至於藍籌跑輸國企,中國發展速度快香港好多好多,大勢就係咁,除左少數優質藍籌,論增長既潛力無得同國企相比.....


[引用] | 作者 Ray | 4th Jun 2007 09:34 AM | [舉報垃圾留言]

[3]

你好我係第一次黎睇
你講得好好 其實我個人都有點對衰股
有點分析 我係你到都學到更多野 =]
我會keep 住做你長期客!


[引用] | 作者 | 3rd Jun 2007 22:48 PM | [舉報垃圾留言]

[2]

To:Ray
呢次係我第一次留言 ^^
睇過你post 果d股都好快有動作
我問下你對199 有咩意見~
25000@0.63


[引用] | 作者 | 3rd Jun 2007 22:08 PM | [舉報垃圾留言]

[1]

Ray,我就無你甘好,甘多利錢了.我今年先正式開始玩股票,炒股仔都係呢兩個月先少少地玩下.最近跟人買左隻1168 @ 2.05 點睇?仲想問下你呢幾日甘大成交,後市點睇呢?會唔會真係好多人逢高位沽同港元有直接關係的藍籌,換馬國企呢?國企指數好次跑嬴恆指多多聲.


[引用] | 作者 寒星 | 3rd Jun 2007 20:01 PM | [舉報垃圾留言]