香港新浪網 MySinaBlog
« 上一篇 | 下一篇 »
ray | 7th May 2007, 00:15 AM | 股票諸事 | (642 Reads)

曹仁超人氣好文 - 老曹獅牛論

轉載自信報

近期睇到好多blog友轉載曹仁超既 - 老曹獅牛論,既然咁hit自然要睇睇,睇完老曹咁有意思既文章,即時牙痕,想發下up風,噴口水之前先睇下老曹既原文:(為免老曹不悅,把原文刪掉)

從挑選好股,再長期持有,恒久堅持,而步向大成功,確係投資致富路線圖。不過此路要通行無阻,必須要選股能力超強,時機把握準確,忍耐能力超高,堅定不移既投資者,方可較易成功。

即時想起:

欲練神功,必先自宮!

既然武學寶典在前,思前想後,決定放棄以前所學,狠下心腸將「劣根」,引刀成一快,既然寶典在手,不日即可神功蓋世,天下無敵!於是苦學選股法門,兼修不動明王心法,估計數載之後,神功必成...... 可是,翻到下頁:

即使自宮,未必成功!

以為照辦煑碗,人人皆致富,需知可行之法,並非人人適合,人家既靈丹妙藥,可能變成自己既穿腸劇毒...... 確信長線是金之人,多不勝數,確實執行之人,相信為數亦不少,但世間只有一位巴菲特,可見欲以此成巨富,絕對不是易事...... 心有不甘,於是再翻下頁:

如不自宮,也可成功!

絕招同途異路 - 長線投資也好,短線投機也好,方法不同,但目的一致,正所謂條條大路通羅馬,能夠成功就是好方法。須知長線不代表必勝,短炒不代表必敗,成功與否只看閣下的修為!

玄門正宗

老曹既獅牛論 - 長線是金,現金非王,確係玄門正宗心法,若能學得神功,長線致富並不困難,但單憑上文既心法,沒有老曹親自點撥,相信要走多不少既彎路。

選股能力,買入時機定成敗

文中提到「止蝕不止賺」,必須具備超強選股能力,否則止蝕換馬再止蝕,資金未嘗升值,已感受到減值的壓力。就算買到好股,亦不擔保直線上升,若然買入時機不對,入貨後跌破買入價,到左自訂止蝕價一樣要斬, 到頭來可能又係止蝕離場。

如果02年買偉易達,03買東方海外或中石油,04買金輝或紫金,05買中壽,06買寶訊科技,想發達有何難?可惜無人有預知能力,買左隻股,好與唔好,只係估估下,唔好既,好快止蝕離場,唔駛止蝕亦未必好,海域未爆煲前邊個估得到,連Bill Gates 要都中招。

就算隻股幾好下,不過長線持有十年八年後,升幅有限,咁即係好定唔好丫?

講返上面提到既303,316,137,8089,可能有人會覺得,佢地唔算得上係好股,無買到梗係唔知佢地好啦,譬如你04年用10萬銀,買137 @ $1.00,今日4.54收市價計,而家已經升值到454萬,3年時間升值45倍(曾經1拆10),點都唔會話佢唔好掛?

路線既定,繼續努力

明白自己需要,選定認為可行之法,堅定執行,總比三心兩意,左搖右擺為佳。所以全力以赴,做到最好,向既定目標進發,終會到達成功彼岸!