香港新浪網 MySinaBlog
« 上一篇 | 下一篇 »
ray | 4th Jul 2007, 22:31 PM | 投資日記 | (339 Reads)

沒有「報價系統第二天」,晴

 

朝早一睇中國高速傳動(658)既競價,已經知道佢勁,一開就已經11皮,而且股價迅速上升,12,13,14咁上,真係唔到你唔服,雖然能源概念當炒,仲有三間基金上市前入股,的確夠晒"殺食",而資源類基金不問價追貨既關係,供求失衡自然節節上升,不過聽講p.e.已經到達90倍過外,首日已經係咁,真係貴到無輪,為免影響睡眠質素,奉勸心血水朋友切勿再追貨,始終選擇仍多的是,買少一隻亦無需感到可惜。就算高追後仍然繼續升,又能夠安心持有大賺一筆?

上午睇完中傳動表演,下午就睇睇自己持貨既表現,合景(1813)好似唔多爭氣,不過仍然無動搖對佢既信心,再睇睇隻606,跌勢持續,有些少慶幸能夠及時離場。再望望隻建行(939)強勢仍然,隻輪(4987建行call)斷估都靚仔,於是都無理佢,由得佢"自由行"。而隻中海油回返好多,不過唔緊要,長線持有唔應該太注意佢既短期走勢。

下午3點後,市況越走越差,好多股份都先升後回,反而有少量股仔V返上去,好似隻世城(355)都靚返好多,而華億(419)同利來(221)升得好對辦,不過自從無掂股仔之後,對股仔既走勢,已經無以前咁關心,而且決定短期內仍不沾手。

收市後睇睇隻建行,臨尾都掃高幾格,睇尼好似好堅咁,聽日可能會再創新高。

留言(0) | 引用(0) | 話題(股市)