香港新浪網 MySinaBlog
« 上一篇 | 下一篇 »
ray | 13th Jul 2007, 00:51 AM | 股海心經 | (1551 Reads)

沽平安保險 2007/07/11 00:03:47

(轉載自 市場先生)

 

今日以58.35沽出1萬股永久組合的平安保險, 點解唔係以全日最高價59.9沽出? 甚至收市價58.7都高過我的沽出價? 因為我只係一個平凡的小散戶, 我唔係股神, 我沽2318的時候, 預計唔到全日最高價和收市價會做幾多. 不過, 最重要的係, 我有自己的信念, 用我認為適合自己的方法, 最終結果會如何, 將來才知.

重申, 沽出平安保險, 並非為了穫利, 而係我認為將來可以以更低價買回. 有人問, 如果沽出之後, 股價一飛沖天, 永遠跌唔低過當初的賣出價, 咁點算, 會唔會高價追回? 如果真係發生咁既情況, 以我的性格, 我知道自己唔會以高過58.35買回平保, 換句話說, 如果我今次判斷錯誤, 我的永久組合將會永遠無左平安保險#2318. 對我來講, 買唔番#2318係最大的風險, 所以#2318股價由十二,三蚊升上來期間我都無嘗試高賣低買的操作, 直到最近股價升超過57蚊才有呢個念頭.

P.S. 仍然未沽#546, 繼續保留呢個污點.

http://hk.myblog.yahoo.com/mr-market/article?mid=3324&fid=8

*********************************************************

rayray:睇見 市場先生 沽出平安保險 引起好多網友討論,其中發覺二少既理論,值得思考一下!(對 市場先生 絕無惡意,只供自己及網友參考) 下面是二少原文:

二少 2007/07/12 03:25:05

我也是從newsgroup看到現在的.
相信我, 我並沒有惡意.
但只想表達不同意見.

  • 如果永久組合是有一隻股票, 可以因為升多了十零個%, 而冒著永遠失去的險那這就不叫永久了. 不相信的話, 你去問問女朋友/老婆, 甚麼叫永久? 她會很傷心的.
  • $57與$52, 差幾個%? 計一計? 10%+就是泡沬跟不是泡沫的分別?
  • 甚麼叫特別操作? 為甚麼投資了那麼多年, 都沒有這麼特別的操作?三年前的先生會這樣操作嗎?
  • 先生從前愛引用: 費雪說:如果當初買進股票時事情做得很正確,則賣出時機幾乎永遠不會到來.
  • 從前先生也說 , 如果#5升到4倍nav, 會賣出一半, 但不會全賣走.
  • 先生也認同2318比2628更好.
  • 投資是一件很孤獨的事, 愈多人觀看, 談論自己的決定, 愈容易出錯, 如果當是高難度表演, 更是心魔作崇.
  • 我知道先生的性格, 是就算永遠失去了它, 也不會公開承認做錯決定的. (而個人認為, 如果畀你買得番, 係你好彩, 三年前的先生咁做, 一定會話"其實今次自己好彩")

所以我也不會在此討論此事了.

*********************************************************

個人認為:沽貨是自己決定,每個人沽貨因為賺夠自己果份,將風險留俾"下家",全部都係個人既判斷,根本好難定對錯,不過究竟應該忠於自己既原則,定係忠於自己既直覺,就值得投資人好好思考,始終投資是個人的事情,自己對自己負責就夠,無須他人認同。

至於沽貨後股價既升跌,雖然rayray都非常明白:沽貨後,就同該股票扯唔上任何關係!但仍會介懷是人之常情,只不過長線既投資者,基於操作量相對較少,錯誤次數自然無rayray咁多,自然無我地(泛指短線投機者)咁易適應錯誤(註:不代表 市場先生 沽貨行為錯誤)......

最後,rayray想補充一句:唔好因為他人既買賣決定或判斷,而影響自己既決定,因為各人既算盤唔同,最好係依據自己既判斷尼決定買或賣!

留言(4) | 引用(0) | 話題(股市)

[4] Re:
Maisy :
我唔夠運又懶鑽研,所以都係買長線。5號由去年11月買入到現在,長期跌破我的買入價,看完市場先生那篇,我諗我是不會沽我的5號了,留待作永久組合,養老基金啊:)

Maisy:真係失敗,炒股over 10年既rayray,從未買過#5正股,1手都未試過,希望將來有機會買返些少。


[引用] | 作者 Ray | 13th Jul 2007 07:45 AM | [舉報垃圾留言]

[3] Re:
j :
同意,有位股評家說過(忘了是誰),"有d人賠了錢會不開心,但賺了錢又唔開心(因賺少咗),咁不如唔好買股票,因為最終都係唔開心"
我呢兩星期都連環賺少好多(因心理質數欠佳,經驗不足),但回想一下,我都有d錢落袋,所以安慰自己說,錢係搵唔晒嘅.

j:久唔久都會同自己講,唔好咁認真,贏少左唔係罪過,有得贏已經唔錯。錢,真係搵唔晒!


[引用] | 作者 Ray | 13th Jul 2007 07:42 AM | [舉報垃圾留言]

[2]

我唔夠運又懶鑽研,所以都係買長線。
5號由去年11月買入到現在,長期跌破我的買入價,看完市場先生那篇,我諗我是不會沽我的5號了,留待作永久組合,養老基金啊:)


[引用] | 作者 Maisy | 13th Jul 2007 02:11 AM | [舉報垃圾留言]

[1]

同意,有位股評家說過(忘了是誰),"有d人賠了錢會不開心,但賺了錢又唔開心(因賺少咗),咁不如唔好買股票,因為最終都係唔開心"

我呢兩星期都連環賺少好多(因心理質數欠佳,經驗不足),但回想一下,我都有d錢落袋,所以安慰自己說,錢係搵唔晒嘅.


[引用] | 作者 j | 13th Jul 2007 01:54 AM | [舉報垃圾留言]